සොරකම්

සොරා ගත්තා වුවද
සොඳුරිය
නුඹේ සිත
පෙර දිනෙක මම
ඊට කප් ගණනකට පෙර
සොරා ගත්තේ ඔබයි
මගේ සිත
...
...
ඉදින්
සොරා ගනු
තව කුමට
අයිති නැති පද වැලක්
මගේ සිත
අයිති ඔබ
මගෙම සිත තුලට වැද
කවියක්ම් වී සදා
හදවතට ගයන විට ...

හඬ නිහඬ

ඔබේ නිහඬ් බව ඇතුලින්
වදන් දහක් මට ඇසුනා
කවියක් වී මහද පතුල
පැළවු ඒ වදන් වලින්
බිහිවු ආදර ලිය වැල
ඵල දැරුවා ...
මෙ කව ලෙසින් ...

සසර ගමන

දෙවි කෙනෙකු
වෙනු කුමට
මිනිසෙක්ම වී
හැමදාම නුඹ ලඟින්
ඉඳින්නට ඇත්නම් ...

බුදු කෙනෙකු
වෙනු කුමට
සන්සාර දුර කතර
අත්වැල් බැඳන්
නුඹ සමඟ සදාකල්
සරන්නට ඇත්නම් ...

Abstraction

රැයක සුවඳ
ඔබේ කෙස් රොදක් තුළ සිඹිමි ...
මලක පහස
ඔබේ දෑඟිලි මත විඳිමි ...
හදක සෙනෙහස
ඔබේ දෑස තුල දකිමි ...
දිවියක සුවය
ඔබේ ආලය තුළ ලබමි ...