Uninvited

එදා මෙන් නොව ඔබ හදට මා

අනාරාධිතය අද දවස

මගේ දෑඟිලි තනිවෙලා

මේ යතුරු පුවරුව උඩ

නින්ද එනු මැන

විඩාබර ජීවිතය

නිවන්නට

පිළිතුරු

Q: අද කීයටද ඇඳට එන්නේ?

A: වැඩ ඉවර වුන හෝ නිදිමත උහුලා ගන්න අමාරු වුන වෙලාවට

Q: වැඩ ඉවර වෙන්නේ කීයටද?

A: වැඩ ඉවර වෙන වෙලාවට

Q: තව ගොඩාක් වැඩ තියනවද?

A: හ්ම්ම්ම්

Q: ඔයා Netflix බලනවා නේද?

A: හ්ම්ම්ම්

Q: Netflix නවත්තලා වැඩ කළොත් ඉක්මනට ඉවර කරන්න පුළුවන් නේද?

A: ඒක නැවැත්තුවොත් නිදිමත එනවා.. වැඩ පැත්තක තියලා නිදා ගත්තැහැකි

වෙන්වීම

ම්ං මගෙන් වෙන්වුණු දවස
බලං හිටියා මම
මා දිහෑ
මගෙන් හැංගී

අරන් යනු මා

පාවෙලා යන ජීවිතේ
පයට පොඩිවුන
මල් කැකුළ
විකසිත වුණු අතීතය
ඔබේ අතින්
ලියවුණ කවියක
උණුහුම් රැඳුන
සිතිවිල්ලක් වැළඳ
ඒ පහස විඳින්නට
මතු බවේ එනතුරා
තත්පරෙන් තත්පරය
ගනිමි මා

ජීවිතය..
සුනංගුයි ඔබ
අරන් යනු මා එතැනට
හනිකට

සාපය

කාලය ...

මම ඔබට සාප කරමි..

සදා කල්

හෙට

හිතේ ගින්දර නිවෙන් නෑ
දැනෙන සීතල ඉවර නෑ
දවස තිස්සේ
අකුරු කොටමින්
පැතුම් පූදින
හෙට දවස ගැන
හීන දකිමින්
ගෙවේ කාලය

ඔබෙ නෙතුතර
සැඟව ආයේත්
අදර වදනින්
මගෙ හදවත
කිතිකවන මතු
දිනක් කවදා
දකිනු හැකි වෙද?

එදින එනතුරු
හිතේ ගින්දර
දරනු හැකිවෙද?
එගින්නෙන් මා
දැවී යාවි ද?

එදින

අඳුර ඔබ තුරුළට
එන්නම් මම
කඩතොළුවූ මොහොතක
සීතලේ ගුලිවී
විඩා බර දෙනෙත් තුළ
සිහිනයක් හොයාගෙන
කිසිදිනක නිම නොවන
හිතට එන
නිසළ බව
කොයිතරම්
අපූරුද?