හමුවීම

ඔවි, ඒ මම තමයි කලින් ගියේ
...මම හිතනිනේ
...හරියටම කියන්න අමාරුයි
ම්ම්ම් ... හැඩරුව නේද?
ටිකක් මං වගේ?
නෑ?
වෙන්න ඇති
මට කාලෙකින් මුණ ගැහුනේ නැහැ
ඒ හින්දා ඉතින් ෂුවර් නැහැ
අනේ බෑ (ස්තුතියි!) මට පරක්කු වෙනවා
ඔව්, දුවන්න ඕනෑ
මා පස්සේ

මුහුද

මුහුද
උඹේ ගැඹුරේ කැකෑරෙන
වේදනාව, ආවේගය
ප්‍රසූත කළ
රළ ගෙඩි පෙළ
වෙරළ තුරුළේ
සැනසෙන හැටි
.
.
.
මට හරි ඊරිසියයි

පිපාසය

සඳ සිහින වළා මැද
මගෙන් ඇස් හංගලා
තරු එළිය ඉතුරු කර
මගේ තනි රකින්නට

කොහේදෝ රැහැයියෙක්
කාටදෝ කියන කවි
මතක රැළි මත
පා කළා මගේ හිත

නෙතු පියන් නිම් අතර
පිරුණු ඒ ආදරය
ඇඟිළි තුඩු සිප නැවත
වෙත ගියා අනන්තය

ආයේ ඒ උණුහුමට
ළං වෙන්නේ කවදාද?
මගේ ළය පිපාසය
සංහිඳෙන දා ළඟඳ?

තනිය

ත

නි

ය

.
.
.

.
.

.

කුණාටුව

හිත නොදෙයි හෙලවෙන්න
බත් මේසෙ ගාව මම
ඉඳ ගත්ත හෙවනැල්ල
බිත්තියේ නිසොල්වම
බලා ගත්තු අත
බලා ගෙන ඉන්නවා

කල්ප සුවහසක්වූ
මොහොතකට පෙරාතුව
ඔබේ නෙත් අග්නියට
හසුවුනා මගේ හිත

කුණාටුව හමනවා

හද පතුළ විසුණු කර

තව තවත් ගැඹුරටම

අනන්තය හොයාගෙන

ගොස් ඉනුත් ඔබ්බටම

එය නොදත් නිසොල්මන

අහනවා කාලයෙන්

කොහෙද නුඹ හදිසියේ

මා මෙතන

තනි කළේ

පොත්ගුල

Town Hall එකෙන් බැහැලා
අපි එනක්ල් අපේ හීන
බලන් ඉන්න
උයන් වීදි
පහු කර ගෙන
පිය මැනලා
පොත්ගුල වෙත
ඇස් රැහැනෙන්
සැරෙන් සැරේ
ගැට ගසමින්
මගෙ හදවත
නැවත නැවත
සොරකම් කළ
ඔය සිත ලඟ
දැවටි දැවටි
ඉන්න ගමන්
අහඹු ලෙසින්
පාඩම් කළ
එදා දවස
ගැන මතකය
Melbourne city
පුස්තකාලෙ
ලී මේසය

ලඟ තනිවුන

මගෙ හිතට

...

...

...

(හිටියා නම්,

ඔබත් මෙතන

යන්න තිබුනා

Park එකට ! ;)

)

...

...

...

(බැඳලා තමයි ..

ඉතින් මොකද? :)

)

FAQs

Q: ඔයා මට ආදරෙයිද?
A: ඔව් (Yes / true / Si / Oui / Ja / Hai / Aamaam / Haji / ...)

Q: ඔයා මට කොච්චර ආදරෙයිද?
A: ගොඩාරියක් (→∞)

Q: ඔයා මාව කවදා හරි දාලා යනවාද?
A: මැරුණහම, ඔව්. ඊට කලින් නම්, නැහැ.

Q: මේ blog එකට අද වෙනකොට page visit 382ක් තියෙනවා.. මම එච්චර කරේ නැහැනේ?
A: ඇමරිකාවේ web bot කෙනෙක් හින්දයි ඒ (probably)

Q: මට ආයේ මනමාලියෙක් වෙන්න පුළුවන්ද? / අපි ආයෙත් බඳිමුද?
A: පුළුවන් / හා / බඳිමු