නෝනාට ලියු කවි

Friday, 11 April 2014

තිබහ

තිබහයි මට ......
සරාගී සුසුමකින් තෙත්වූ
ඔබේ බැල්මක
රස විඳින්න
සිහින් කෙඳිරිල්ලකින් මත්වූ
ඔබේ සියොළඟ
සුව විඳින්න

Tuesday, 8 April 2014

තනිව ආ මග

තනිව ආ මග
දුරයි වෙනදාට වඩා
ඔබ නැති උදෑසන
දුම්රියේ බොල් හඬ
පඩිපෙළේ තාලය
පාළුවෙන් පිරීලා
මග දෙපස නිසොළ්මන්
තුරු ලතා මගේ දෙස
බලා සිටියා දුකින්
අසන මෙන්
ඔබ කොහේදැයි කියා...

Friday, 4 April 2014

Ericsson A1018s

කැමරා, ගේම් හැඩ වැඩ නැති

පේළි තුනෙ display එක

දැල්වෙන තුරු බලා ඉඳලා

රෑ තිස්සෙ පෙරුම් පුරලා

ගෙදර අයට හොර රහසේ

කොට්ටය යට හැංගීගෙන

මිනිත්තුවක වටිනාකම

තුනෙන් තුනට ගනන් කරලා

හරි ගානට cut කරලා

බෙදා ගත්තු ආදරය

ලයිස්තුව

දන්නෙම නැතුව
Facebook
Youtube
ෂාරුක් කාන්
muffin
උදේ tea එක

අභිබවා

ප්‍රමුඛතා ලයිස්තුවේ

...

...
වැටිලා මම

පහළටම

Tuesday, 1 April 2014

ලඟයි බහින්න අතින් අල්ලන්න
මෙතනින් එන්න පරිස්සම් වෙන්න
පඩිපෙළ නැගලා උඩටම යන්න
ට්‍රෑමක් එනවා ඈතින් අන්න

දෙපැත්ත බලලා පාර පනින්න
කම්මැළි නම් අතනින් ඉඳ ගන්න
ට්‍රෑමත් ආවා දැන් නැගිටින්න
ඉඩකඩ බලලා සැනින් නැග ගන්න

ටික්කො පනියි ටිකට් එක ගන්න
මතක් කරලා touch on කරන්න
ඕනෙම නම් ආයෙත් ඉඳ ගන්න
Stop එක බලලා ඉතින් බැහැ ගන්න

පඩිපෙළ ළඟ මොහොතක් නවතින්න
හාදුව දීලා මදෙස බලන්න
දවල්ට පුළුවන් වෙයි හමුවෙන්න
දවස සුබයි ඔබ ඇතුළට යන්න

Saturday, 29 March 2014

බලිය

බලිය

මගේ
නුඹ ...

නුඹේ
මම ...

Friday, 28 March 2014

ගම්පහ

අද උදේ
වැහි අඳුර ...
සීතල ...
පෙඟුන ගහ කොළ ...
තෙත පොළව ..
හිත ගෙනියනවා
ඈතට ...

මතකද?
කළුවගේ කේසිරිගෙ
class cut කරලා අපි
හොර පාරේ
ගම්පහ රේල්ලුවේ
පාලමින් එගොඩවී
එක කුඩේ තුරුළු වී
මල් වත්තෙ
තෙත පොළවෙ
පෙඟුන ගහ කොළ අතර
සීතල වැහි අඳුර
වින්ද හැටි?

වළාකුළු වලින් පැන
මඳ සුළඟෙ පාවෙලා
අතු පතර දැවටිලා
මහපොළව සිඹගන්න
යන ගමන අතරමග
නිමේෂෙක නතරවී

කුඩ රෙද්ද උඩට වී

වැහි බිංදු නටපු හැටි?