FAQs

Q: ඔයා මට ආදරෙයිද?
A: ඔව් (Yes / true / Si / Oui / Ja / Hai / Aamaam / Haji / ...)

Q: ඔයා මට කොච්චර ආදරෙයිද?
A: ගොඩාරියක් (→∞)

Q: ඔයා මාව කවදා හරි දාලා යනවාද?
A: මැරුණහම, ඔව්. ඊට කලින් නම්, නැහැ.

Q: මේ blog එකට අද වෙනකොට page visit 382ක් තියෙනවා.. මම එච්චර කරේ නැහැනේ?
A: ඇමරිකාවේ web bot කෙනෙක් හින්දයි ඒ (probably)

Q: මට ආයේ මනමාලියෙක් වෙන්න පුළුවන්ද? / අපි ආයෙත් බඳිමුද?
A: පුළුවන් / හා / බඳිමු

තිබහ

තිබහයි මට ......
සරාගී සුසුමකින් තෙත්වූ
ඔබේ බැල්මක
රස විඳින්න
සිහින් කෙඳිරිල්ලකින් මත්වූ
ඔබේ සියොළඟ
සුව විඳින්න

තනිව ආ මග

තනිව ආ මග
දුරයි වෙනදාට වඩා
ඔබ නැති උදෑසන
දුම්රියේ බොල් හඬ
පඩිපෙළේ තාලය
පාළුවෙන් පිරීලා
මග දෙපස නිසොළ්මන්
තුරු ලතා මගේ දෙස
බලා සිටියා දුකින්
අසන මෙන්
ඔබ කොහේදැයි කියා...

Ericsson A1018s

කැමරා, ගේම් හැඩ වැඩ නැති

පේළි තුනෙ display එක

දැල්වෙන තුරු බලා ඉඳලා 

රෑ තිස්සෙ පෙරුම් පුරලා

ගෙදර අයට හොර රහසේ

කොට්ටය යට හැංගීගෙන

මිනිත්තුවක වටිනාකම

තුනෙන් තුනට ගනන් කරලා

හරි ගානට cut කරලා

බෙදා ගත්තු ආදරය

ලයිස්තුව

දන්නෙම නැතුව
Facebook
Youtube
ෂාරුක් කාන්
muffin
උදේ tea එක

අභිබවා

ප්‍රමුඛතා ලයිස්තුවේ

...

...

...

...

...

...

...

...

...

...
වැටිලා මම

පහළටම

උදෑසන

ලඟයි බහින්න අතින් අල්ලන්න
මෙතනින් එන්න පරිස්සම් වෙන්න
පඩිපෙළ නැගලා උඩටම යන්න
ට්‍රෑමක් එනවා ඈතින් අන්න

දෙපැත්ත බලලා පාර පනින්න
කම්මැළි නම් අතනින් ඉඳ ගන්න
ට්‍රෑමත් ආවා දැන් නැගිටින්න
ඉඩකඩ බලලා සැනින් නැග ගන්න

ටික්කො පනියි ටිකට් එක ගන්න
මතක් කරලා touch on කරන්න
ඕනෙම නම් ආයෙත් ඉඳ ගන්න
Stop එක බලලා ඉතින් බැහැ ගන්න

පඩිපෙළ ළඟ මොහොතක් නවතින්න
හාදුව දීලා මදෙස බලන්න
දවල්ට පුළුවන් වෙයි හමුවෙන්න
දවස සුබයි ඔබ ඇතුළට යන්න

බලිය

බලිය

මගේ
නුඹ ...

නුඹේ
මම ...

ගම්පහ

අද උදේ
වැහි අඳුර ...
සීතල ...
පෙඟුන ගහ කොළ ...
තෙත පොළව ..
හිත ගෙනියනවා
ඈතට ...

මතකද?
කළුවගේ කේසිරිගෙ
class cut කරලා අපි
හොර පාරේ
ගම්පහ රේල්ලුවේ
පාලමින් එගොඩවී
එක කුඩේ තුරුළු වී
මල් වත්තෙ
තෙත පොළවෙ
පෙඟුන ගහ කොළ අතර
සීතල වැහි අඳුර
වින්ද හැටි?

වළාකුළු වලින් පැන
මඳ සුළඟෙ පාවෙලා
අතු පතර දැවටිලා
මහපොළව සිඹගන්න
යන ගමන අතරමග
නිමේෂෙක නතරවී

කුඩ රෙද්ද උඩට වී

වැහි බිංදු නටපු හැටි?

මාවතේ අපි

වැඩට යන ගෙදර එන
මග දිගට ගී වැළක්
මුමුනමින් නටන්නේ
හැමදාම ඇයිද මම?
තැන නොතැන නොබලාම
අන් කිසිත් නොතකනා
උමතුවූවෙකු ලෙසින්?
.... අහන්නේ කිමද ඔබ?

ඔබ ළඟින් මා හිඳින
විටදි මට හැඟෙන්නේ
දෙනෝදාහක් අතර
අපි යනෙන වීදි වල
සුවහසක් නෙත්වලින්
හැංගිච්ච ලෝකයක
අප දෙදෙන තනිවෙලා
ඇති සෙයක් විතරමයි

ඒ ලොවේ තනි වෙලා
සිතින් සිත නතු වෙලා
ඔබ දෑස තුළින් මා
දකින විට ආදරය
ගීතයක් ගයන්නට
මාවතේ නටන්නට
මටම නොදැනිව මාව
පොළඹවයි මගෙ සිත

ගට

සීතල මාවතට
බහින්නට දිරිදෙන්නෙ
කාලයත් එක්ක මේ
කෙටි දවස පොර බදන
නිමේෂෙක හැංගිලා
ඔබ එක්ක හැන්දෑවෙ
කොහේ හරි තනි වෙලා
අතින් අත වෙලීලා
බෙදාගනු හැකි නිසා
හිත පිරුණ ආදරය ...

කොපිය

* සමාවෙන්න කොපි කළාට
* අද දවසේ මේ ගීතය
* මගේ හිතේ Stuck වෙලා
* http://www.youtube.com/watch?v=_UxpWIiS2Fo


හීන් සැරේ
ඔබ ආවා .. ආවා ..

තරුවෙන් තරුවට
පැන පැන හෙමිහිට
මලකින් මලකට
පියඹා කදිමට

මා දඟකාරිය .. නාරිලතාවිය ..
කාන්සියේ බොඳ අඳුර මකා හැර
හීන් සැරේ
ඔබ ආවා .. ආවා ..