ආපසු ගමන

තව ටිකකින්
බහිනවා පාරට
ගෙවී ගිය
සපත්තු අඩිය
මාත් පාරත් අතර
ටික් ටොක් ටික් ටොක්
ඔරලෝසුවක් වගෙ
හයියෙන් දුවන
අඩියෙන් අඩිය මැනලා
යනවා රේල්ලුවට
යන්න ...
ගෙදර නෙමේ
තනිකමකට ...
පස්සෙ එන්නම්
ගෙදර යන්න
සොඳුරියේ
ඔබත් එක්ක ..

After work

අඳුර ගලා එයි
බිල්ඩින් අස්සෙන්
සීතල මාවත
හිත හිරි වට්ටයි
ඔබ හමුවන ඒ
මොහොත තවම නැත
එතෙක් අඳුර
සීතල ඉවසන්නෙමි

CAPS

කැපිටල් අක්ෂර
තුල දකිනෙමි මම
මගේ ආදරියගෙ
තෙරපුනු හැඟුමන්
වෙර දරණා හැටි
එකිනෙක පරදා
මගෙ සිත ඇතුලට
කඩා වදින්නට

Task 1

මගෙ සඳ ...
කැන්සල් කළාද
ණය ආරක්ෂණ
රක්ෂණය ?

සොරකම්

සොරා ගත්තා වුවද
සොඳුරිය
නුඹේ සිත
පෙර දිනෙක මම
ඊට කප් ගණනකට පෙර
සොරා ගත්තේ ඔබයි
මගේ සිත
...
...
ඉදින්
සොරා ගනු
තව කුමට
අයිති නැති පද වැලක්
මගේ සිත
අයිති ඔබ
මගෙම සිත තුලට වැද
කවියක්ම් වී සදා
හදවතට ගයන විට ...

හඬ නිහඬ

ඔබේ නිහඬ් බව ඇතුලින්
වදන් දහක් මට ඇසුනා
කවියක් වී මහද පතුල
පැළවු ඒ වදන් වලින්
බිහිවු ආදර ලිය වැල
ඵල දැරුවා ...
මෙ කව ලෙසින් ...

සසර ගමන

දෙවි කෙනෙකු
වෙනු කුමට
මිනිසෙක්ම වී
හැමදාම නුඹ ලඟින්
ඉඳින්නට ඇත්නම් ...

බුදු කෙනෙකු
වෙනු කුමට
සන්සාර දුර කතර
අත්වැල් බැඳන්
නුඹ සමඟ සදාකල්
සරන්නට ඇත්නම් ...